கவிதை எழுதினேன்!

கவிதை எழுதினேன்,

எழுத்து பிழையோடு,

பிழை திருத்த விருப்பமில்லை,

பிழை - எழுத்தில் மட்டுமே இல்லை,

பிழையும், தோல்வியும் மட்டுமே தோழர்கள் எனக்கு,

என்றும் என்னை நீங்காத தோழர்கள்,

உண்மை நட்பின் இலக்கணங்கள்.

கவிதை எழுதினேன்,

ஆயிரம் கவிதை,

ஆயிரம் எண்ணங்கள் மனதில் உண்டு,

எழுத்துகளில் இல்லை,

என் கவிதைகளிலும் இல்லை,

சொல்லாமலே சொல்லிக்கொண்டிருக்கிறேன் - என் துக்கங்களை,

எனக்குள் நானே சொல்லிக்கொண்டிருக்கிறேன்.

கவிதை எழுதினேன்,

எதுகை இல்லாமல்,

மோனை இல்லாமல்,

நானே இல்லையாம் - எதுகைக்கு எங்கே போவேன்?

எங்கே என்னை நான் தொலைத்தேனோ?

தேடி பிடிக்க அடையாளங்களை தேடுகிறேன்.

தொலைந்தவனும் நானே, தேடுப்பவனும் நானே - வேடிக்கை!